आढावा

महाराष्ट्र हे देशातील सर्वाधिक नागरीकरण झालेल्या राज्यांपैकी एक असून राज्यातील मोठा लोकसंख्या वर्ग शहरी भागात वास्तव्यास आहे. वाढत्या नागरीकरणामुळे प्रभावी नागरी सेवा, पायाभूत सुविधा विकास, शहरी नियोजन, पर्यावरण व्यवस्थापन, आपत्ती पूर्वतयारी आणि नागरिकांच्या जीवनमान उन्नतीची गरज मोठ्या प्रमाणात वाढली आहे. या पार्श्वभूमीवर नगर विकास विभाग–२ विविध धोरणांची आखणी, विकास योजनांची अंमलबजावणी, संस्थात्मक बळकटीकरण आणि सेवा वितरण सुधारणा यांच्या माध्यमातून उद्भवणाऱ्या शहरी आव्हानांना प्रतिसाद देत आहे.